നാസിക്: കശ്മിരിനെ കലാപത്തില്‍ നിന്ന് മുക്തമാക്കി പറുദീസയാക്കി മാറ്റുമെന്ന് പ്രധാനമന്ത്രി നരേന്ദ്ര മോദി. നാസിക്കില്‍ നടന്ന മഹാരാഷ്ട്ര നിയമസഭാ തെരഞ്ഞെടുപ്പ് റാലിയില്‍ സംസാരിക്കുകയായിരുന്നു അദ്ദേഹം.
ഒരുകാലത്ത് സഞ്ചാരികളുടെ പറുദീസയായിരുന്ന കശ്മിരിനെ അതേ രീതിയില്‍ പുനര്‍നിര്‍മിക്കുകയെന്നതാണ് ലക്ഷ്യമെന്ന് മോദി വ്യക്തമാക്കി. താന്‍ വീണ്ടും അധികാരത്തില്‍ കയറിയശേഷം 100 ദിവനങ്ങളില്‍ കൈകൊണ്ട നടപടികളില്‍ ഏറ്റവും പ്രധാനമായതാണ് കശ്മിരിന്റെ പ്രത്യേക പദവി എടുത്തുകളഞ്ഞത്.
കശ്മിര്‍ ഇന്ത്യയുടെ ഭാഗമാണെന്നതില്‍ ഒരുതരത്തിലുള്ള തര്‍ക്കവുമില്ലെന്നും വ്യക്തമാക്കി.