കോഴിക്കോട്: അപകടാവസ്ഥയിലായ വേങ്ങേരിമഠം- കൂളിമാട് റോഡിലെ നെച്ചൂളിപ്പാലം പുതുക്കിപ്പണിയണമെന്ന് നെച്ചൂളി റസിഡന്‍സ് അസോസിയേഷന്‍ ജനറല്‍ ബോഡി യോഗം ആവശ്യപ്പെട്ടു. 

എം.വി.ആര്‍ കാന്‍സര്‍ സെന്റര്‍, ഊട്ടി റോഡ്, മാവൂര്‍ എന്നീ സ്ഥലങ്ങളിലേക്കുള്ള ഏറ്റവും ദൂരം കുറഞ്ഞതും നാലോളം ബസ് സര്‍വുസുകള്‍ നടത്തുന്നതുമായ റോഡാണിത്. യോഗത്തില്‍ ഇ. ഗോപാലക്കുറുപ്പ് അധ്യക്ഷനായി. ബി.കെ മനോജ്, കെ.കെ മുഹമ്മദ്, എം. സന്തോഷ് കുമാര്‍, പി. ബാബു സംസാരിച്ചു.
ഭാരവാഹികളായി കെ.കെ അബൂബക്കര്‍ (പ്രസി), അഡ്വ. കെ.സി രാജീവന്‍ (സെക്ര), ഇ. പ്രമോദ്, എം. സന്തോഷ്‌കുമാര്‍ (വൈ. പ്രസി), ഇ. സുനില്‍കുമാര്‍, പി. ബാബു (ജോ. സെക്ര), കെ. രാമദാസന്‍ (ട്രഷ) എന്നിവരെ തിരഞ്ഞെടുത്തു.