പുതുച്ചേരി: മലയാളം കാര്‍ട്ടൂണിന്റെ നൂറു വര്‍ഷങ്ങള്‍ ആഘോഷിക്കുന്നതിന്റെ ഭാഗമായി ആള്‍ ഇന്ത്യ മലയാളി ആസോസിയേഷന്‍ ദേശവ്യാപകമായി നടത്തുന്ന കോക്കനട്ടൂണ്‍ എന്ന കാര്‍ട്ടൂണ്‍ പ്രദര്‍ശനം കേരളപ്പിറവി ദിനത്തില്‍ പോണ്ടിച്ചേരി കേരള സമാജം ഹാളില്‍ നടന്നു. പ്രദര്‍ശനം പോണ്ടിച്ചേരി മുന്‍ വിദ്യാഭ്യാസ വകുപ്പ് മന്ത്രിയും പാര്‍ലിമെന്ററി സെക്രട്ടറിയുമായ ലക്ഷ്മി നാരായണന്‍ എം.എല്‍.എ ഉദ്ഘാടനം ചെയ്തു.
കേരള സമാജം പ്രസിഡന്റ് ദിനേഷ് മംഗലാട്ട് അധ്യക്ഷനായി. ജോഷി ശങ്കര്‍, മനോജ് കുമാര്‍ സംസാരിച്ചു. ആള്‍ ഇന്ത്യ മലയാളി അസോസിയേഷന്‍ കോഡിനേറ്റര്‍ സി.പി പ്രിന്‍സ്, സമാജം ഭാരവാഹികളായ സിഗേഷ്, രതീഷ് കുമാര്‍, ഗോപാല്‍ ശങ്കര്‍ എന്നിവര്‍ ചടങ്ങിന് നേതൃത്വം നല്‍കി. നൂറോളം കാര്‍ട്ടൂണുകള്‍ പ്രദര്‍ശനത്തിന് എത്തിയിരുന്നു. കേരള ലളിതകലാ അക്കാദമി, കേരള കാര്‍ട്ടുണ്‍ അക്കാദമി, കേരള മീഡിയ അക്കാദമി എന്നിവയുടെ അഭിമുഖ്യത്തിലാണ് പരിപാടി സംഘടിപ്പിച്ചത്.