മനാമ: ഖത്തറിനെതിരായ ഉപരോധം നീക്കണമെന്നാവശ്യപ്പെട്ട് കോടതിയെ സമീപിച്ച ബഹ്്‌റൈനി അഭിഭാഷകന്‍ അറസ്റ്റില്‍. പ്രമുഖ മനുഷ്യാവകാശ അഭിഭാഷകന്‍ ഇസ്സ ഫരാജ് അര്‍ഹമ അല്‍ബുര്‍ഷൈദിനെയാണ് ബഹ്‌റൈന്‍ അധികൃതര്‍ അറസ്റ്റ് ചെയ്തത്.
ഖത്തറിനെതിരായ ഉപരോധം അവസാനിപ്പിക്കണം എന്നാവശ്യപ്പെട്ട് ബഹ്‌റൈന്‍ മന്ത്രിസഭ, വിദേശകാര്യമന്ത്രാലയം, ആഭ്യന്തരമന്ത്രാലയം എന്നിവയ്‌ക്കെതിരേയണ് ഇദ്ദേഹം സുപ്രിം അഡ്മിനിസ്‌ട്രേറ്റീവ് കോടതിയെ സമീപിച്ചത്.  ഖത്തറിനോട് അനുഭാവം പ്രകടിപ്പിക്കുകയോ പ്രതികരിക്കുകയോ ചെയ്യുന്നത് 5 വര്‍ഷം തടവ് ശിക്ഷ ലഭിക്കാവുന്ന കുറ്റമാണെന്ന് ബഹ്‌റൈന്‍ പ്രഖ്യാപിച്ചിരുന്നു. ദേശീയ ഐക്യത്തിനും സാമൂഹിക സ്വഭാവത്തിനും കോട്ടംവരുത്തുന്ന വിധത്തില്‍ സോഷ്യല്‍ മീഡിയയില്‍ പോസ്റ്റ് ചെയ്തുവെന്നാരോപിച്ചാണ് ബുര്‍ഷൈദിനെ അറസ്റ്റ് ചെയ്തത്.
ബഹ്‌റൈന്‍ ആന്റികറപ്ഷന്‍ ആന്റ് ഫിനാന്‍ഷ്യല്‍ ആന്റ് ഇലക്ട്രോണിക് സെക്യൂരിറ്റി ഏജന്‍സി ഡയറക്ടര്‍ ജനറലാണ് ഇക്കാര്യം അറിയിച്ചത്.