സന്‍ആ: ഒടുവില്‍ ആ ഏഴു വയസുകാരി മരണത്തിനു കീഴടങ്ങി, ലോക മനഃസാക്ഷിക്കുമുന്നില്‍ വലിയൊരു ചോദ്യചിഹ്നമായിരുന്ന ആ കുട്ടിയെപ്പോലെ നിരവധി പേര്‍ അവിടെയുണ്ടെന്നാണ് ഡോക്ടര്‍മാര്‍ പറയുന്നത്.
ഇത്, യമനിലെ അഭയാര്‍ഥി ക്യാംപുകളില്‍നിന്നുള്ള ദയനീയ ചിത്രങ്ങളാണ്. പോഷകാഹാരക്കുറവും ദാരിദ്ര്യവുമടക്കം വിവിധ കാരണങ്ങളാല്‍ മെലിഞ്ഞുണങ്ങിയ അമല്‍ ഹുസൈന്‍ എന്ന ഏഴു വയസുകാരിയുടെ ചിത്രം അന്താരാഷ്ട്ര മാധ്യമങ്ങളായിരുന്നു പുറത്തുവിട്ടിരുന്നത്.
യമനിലെ അഭയാര്‍ഥി ക്യാംപുകളില്‍ ഇത്തരത്തില്‍ പ്രയാസമനുഭവിക്കുന്ന ഒട്ടേറെ കുട്ടികളില്‍ ഒരാളായിരുന്നു അമല്‍ ഹുസൈന്‍. കഴിഞ്ഞ ദിവസമാണ് അമല്‍ മരണത്തിനു കീഴടങ്ങിയത്.