ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ മുന്‍ ചാംപ്യന്‍മാരായ ലിവര്‍പൂളും ചെല്‍സിയും പോരടിച്ചപ്പോള്‍ ചെമ്പടയെ 2-1ന് പരാജയപ്പെടുത്തി ലിവര്‍പൂള്‍. മറ്റ് മത്സരങ്ങളില്‍ മാഞ്ചസ്റ്റര്‍ യുനൈറ്റഡ് വെസ്റ്റ് ഹാമിനോട് 2-0ന്റെ അട്ടിമറി നേരിട്ടപ്പോള്‍ ആസ്റ്റന്‍ വില്ലയെ 3-2ന് പരാജയപ്പെടുത്തി ആഴ്‌സനല്‍.
ലിവര്‍പൂളിനായി അലക്‌സാണ്ടര്‍ അര്‍നോള്‍ഡും(14) റോബര്‍ട്ടോ ഫിര്‍മിനോയും(30) ഗോള്‍ നേടിയപ്പോള്‍ എന്‍ഗോളോ കാന്റെയാണ് (71) ചെല്‍സിക്കായി ലക്ഷ്യം കണ്ടത്.
ജയത്തോടെ യുനൈറ്റഡിനെ പിന്തള്ളി വെസ്റ്റ് ഹാം അഞ്ചിലെത്തി. വെസ്റ്റ് ഹാമിന് 11 പോയിന്റും യുനൈറ്റഡിന് എട്ട് പോയിന്റുമാണുള്ളത്.
കളിയുടെ 44ാം മിനുട്ടില്‍ ഉക്രൈന്‍ മുന്നേറ്റ താരം ആന്‍ഡ്രീ യര്‍മെലങ്കോയാണ് യുനൈറ്റഡിനെ ഞെട്ടിച്ചത്. തുടര്‍ന്ന് 84ാം മിനുട്ടില്‍ ഉഗ്രനൊരു ഫ്രീകിക്കിലൂടെ പ്രതിരോധ താരം ആരോണ്‍ ക്രസ്‌വെല്‍ ടീമിന്റെ ഗോള്‍ നേട്ടം രണ്ടാക്കുകയായിരുന്നു.