കൂത്തുപറമ്പ്: മാനന്തേരി മുടപ്പത്തൂരില്‍ പൊലിസുകാരന്റെ വീടിനു തീപിടിച്ച് വന്‍ നാശനഷ്ടം. തലശ്ശേരി തീരദേശ പൊലിസ് സ്റ്റേഷനിലെ സിവില്‍ പൊലിസ് ഓഫിസര്‍ കാവളാന്‍ സുജിത്തിന്റെ മുടപ്പത്തൂര്‍ പാലത്തിനു സമീപം പ്രതിഭാ വായനശാലയ്ക്കു പിറകിലായുള്ള വീടിനാണു തീപിടിച്ചത്. ഇന്നലെ പുലര്‍ച്ചെ 1.45ഓടെയായിരുന്നു സംഭവം. കിടപ്പു മുറിക്കകത്താണു തീപടര്‍ന്നത്. അലമാര, ഡ്രസ്, മേശ, ഫാന്‍, ലാപ്‌ടോപ്പ്, കട്ടില്‍, വയറിങ്, നിലത്തെ ടൈലുകള്‍ എന്നിവ പൂര്‍ണമായും കത്തിനശിച്ചു. തീ കെടുത്തുന്നതിനിടെ സുജിത്തിന്റെ കൈക്കും പുറത്തും പൊള്ളലേറ്റു. തീപടര്‍ന്ന ബെഡ് റൂമില്‍ സംഭവസമയം ആരും ഉണ്ടായിരുന്നില്ല. ഷോര്‍ട്ട് സര്‍ക്യൂട്ടാണു സംഭവത്തിനു കാരണമെന്നു കരുതുന്നു. മാലൂര്‍ എസ്.ഐ ഷിജുവിന്റെ നേതൃത്വത്തില്‍ പൊലിസ് സ്ഥലത്തെത്തി പരിശോധന നടത്തി