റിയാദ്: പ്രവാസി മലയാളി ഫെഡറേഷന്‍ സൗദി നാഷണല്‍ കമ്മിറ്റി ഏകദിന സൗദി ദേശീയ സംഗമം സംഘടിപ്പിച്ചു. മസാല കോര്‍ണര്‍ ഓഡിറ്റോറിയത്തില്‍ നാഷണല്‍ കമ്മിറ്റി പ്രസിഡന്റ് ഡോ. അബ്ദുല്‍ നാസറിന്റെ അധ്യക്ഷതയില്‍ ഗ്ലോബല്‍ ട്രഷറര്‍ നൗഫല്‍ മടത്തറ സംഗമം ഉദ്ഘാടനം ചെയ്തു. കോഡിനേറ്റര്‍ സ്റ്റീഫന്‍ ജോസഫ് ആമുഖ പ്രസംഗം നടത്തി. വൈസ് പ്രസിഡന്റ് സുരേഷ് ശങ്കര്‍ പ്രതിനിധികളെ പരിചയപ്പെടുത്തികൊണ്ട് സ്വാഗതം ആശംസിച്ചു. ജനറല്‍ സെക്രട്ടറി ഷിബു ഉസ്മാന്‍ നാഷണല്‍ കമ്മിറ്റി റിപ്പോര്‍ട്ട് അവതരിപ്പിച്ചു.

വിവിധ യൂണിറ്റ്കളെ പ്രതിനിധികരിച്ച് ഷാജഹാന്‍ ചാവക്കാട്, അലോഷ്യസ് വില്ല്യം, മുജീബ് കായംകുളം (റിയാദ് ), നവാസ് ചൂനാട് (ദമാം ),പോള്‍ പൊട്ടക്കല്‍, സവാദ് അയത്തില്‍ (അല്‍ഖര്‍ജ്ജ് ),സന്തോഷ് (അല്‍ഗുവായ ), അബ്ദുല്‍ അസീസ്(അല്‍ ഗരിയ), സ്റ്റാന്‍ലിന്‍ എബ്രഹാം (മറാത്ത്), ബിജു പുനലൂര്‍ (മുസാമിയ)എന്നിവര്‍ നാഷണല്‍ കമ്മിറ്റി ചര്‍ച്ചയില്‍ പങ്കെടുത്തു. സൗദി അറേബ്യയിലെ സാമൂഹിക സാംസ്‌കാരിക നിയമങ്ങള്‍ക്കുള്ളില്‍ നിന്ന് കൊണ്ട് പ്രവര്‍ത്തിക്കാനുള്ള നിര്‍ദ്ദേശങ്ങള്‍ അടങ്ങുന്ന നിയമാവലി യോഗം അംഗീകരിച്ചു. പ്രവാസി റിയാദ് സെന്‍ട്രല്‍ കമ്മിറ്റി ജനറല്‍ സെക്രട്ടറി അലോഷ്യസ് വില്യം നന്ദി പറഞ്ഞു.