റിയോ ഡി ജനീറോ: റഷ്യന്‍ ബോക്‌സിങ് താരങ്ങള്‍ക്ക് റിയോ ഒളിംപിക്‌സില്‍ പങ്കെടുക്കാന്‍ അന്താരാഷ്ട്ര ഒളിംപിക് കമ്മിറ്റിയുടെ അനുമതി. അന്താരാഷ്ട്ര ബോക്‌സിങ് ഫെഡറേഷന്റെ നിര്‍ദേശം ഐ.ഒ.സി അംഗീകരിക്കുകയായിരുന്നു.

11 അംഗ ബോക്‌സിങ് സംഘമാണ് റഷ്യക്കുള്ളത്. ഐ.ഒ.സി റഷ്യക്കെതിരേയുള്ള നടപടികള്‍ പരിഗണിക്കാന്‍ മൂന്നംഗ സമിതിയെ നിയമിച്ചിരുന്നു. ഈ സമിതിയാണ് വിധി പ്രസ്താവിച്ചത്.

അതേസമയം റഷ്യയുടെ വെയ്റ്റ്‌ലിഫ്റ്റിങ് ടീമിന്റെ അപ്പീല്‍ കമ്മിറ്റി തള്ളി. ഇവര്‍ക്ക് ഒളിംപിക്‌സില്‍ പങ്കെടുക്കാന്‍ സാധിക്കില്ലെന്ന് അന്താരാഷ്ട്ര തര്‍ക്ക പരിഹാര കോടതി വ്യക്തമാക്കി. റഷ്യയുടെ ടെന്നീസ്, ജൂഡോ, നീന്തല്‍ താരങ്ങക്കും മത്സരിക്കാന്‍ അനുമതിയുണ്ട്. ടെന്നീസ് താരങ്ങള്‍ എട്ടു പേരും 11 ജൂഡോ, രണ്ടു നീന്തല്‍ താരങ്ങള്‍ എന്നിവര്‍ക്കാണ് ഒളിംപിക്‌സില്‍ മത്സരിക്കാന്‍ അതത് അസോസിയേഷന്‍ അനുമതി നല്‍കിയത്. ഇവരുടെ കാര്യത്തില്‍ ഐ.ഒ.സി വരും ദിനങ്ങളില്‍ അന്തിമ തീരുമാനമെടുക്കും.