കണിയാപുരം: കണിയാപുരം പുത്തന്‍തോപ്പ് മുസ് ലിം ജമാഅത്തിന്റെ ആഭിമുഖ്യത്തില്‍ ഈ മാസം ആറുമുതല്‍ 11 വരെ രാത്രി ഏഴുമുതല്‍ സ്വലാത്തുന്നാരിയ വാര്‍ഷികവും മതപ്രഭാഷണ പരമ്പരയും ദുആ മജ്‌ലിസും നടക്കും.
ജമാഅത്ത് പ്രസിഡന്റ് എ. നിസാമുദ്ദീന്റെ അധ്യക്ഷതയില്‍ കൂടുന്ന ഉദ്ഘാടന സമ്മേളനം ജമാഅത്ത് ചീഫ് ഇമാം നസുമുദ്ദീന്‍ ബാഖവി പേഴുംമൂട് ഉദ്ഘാടനം ചെയ്യും. അഷ്‌റഫ് മുസ്‌ലിയാര്‍ ഖിറഅത്തും ഷമീര്‍ റഹ്മാനി, മുഹമ്മദ് ഷാ എന്നിവര്‍ ആശംസകള്‍ അര്‍പ്പിച്ച് സംസാരിക്കും.
ജനറല്‍ സെക്രട്ടറി ഷാജഹാന്‍ സ്വാഗതവും ഷെമീര്‍ ദാരിമി കൊല്ലം, പൂവച്ചല്‍ ഫിറോസ്ഖാന്‍ ബാഖവി, അല്‍ഹാഫിള് ഇ.പി അബൂബക്കര്‍ അല്‍ഖാസിമി, ആബിദ് ഹുദവി തച്ചണ്ണ എന്നിവര്‍ മതപ്രഭാഷണവും നടത്തും. 11ന് രാവിലെ എട്ട് മുതല്‍ സ്വലാത്തിനും ദുആ മജ്‌ലിസിനും ഏരൂര്‍ ഷംസുദ്ദീന്‍ മദനി നേതൃത്വം നല്‍കും. അന്‍വറുദ്ദീന്‍ അന്‍വരി, അബ്ദുല്‍ ലത്തീഫ് ബാഖവി, ഷറഫുദ്ദീന്‍ ബാഖവി, ഇംറത്ത് സഖാഫി, ഹസന്‍ അമാനി, അബ്ദുല്‍ വാഹിദ് മന്നാനി, ജസീം ഫൈസി, ഹാഷിര്‍ മന്നാനി, അനസ് റഹ്മാനി, ആഷിഖ് ഫൈസി തുടങ്ങിയവര്‍ മജ്‌ലിസില്‍ സന്നിഹിതരാകും. ജമാഅത്ത് ജോയിന്റ് സെക്രട്ടറി സഫീര്‍ നന്ദി പറയും. തുടര്‍ന്ന് അന്നദാനവും ഉണ്ടാകും.