പാലാ: പാലാ ഉപ തിരഞ്ഞെടുപ്പില്‍ യു.ഡി.എഫ് സ്ഥാനാര്‍ഥിയുടെ വോട്ടു ചോര്‍ച്ചക്കു കാരണം ജോസ് വിഭാഗമെന്ന് പി.ജെ ജോസഫ്.
ജോസ് വിഭാഗത്തിന്റെ വോട്ടാണിവിടെ മറിഞ്ഞത്. തെരെഞ്ഞടുപ്പുകാലത്ത് വോട്ടര്‍മാര്‍ക്ക് തെറ്റായ സന്ദേശമാണ് ജോസ് വിഭാഗം നല്‍കിയത്.

യു.ഡി.എഫ് സ്ഥാനാര്‍ഥി ജോസ് ടോമിന് കുറഞ്ഞത് 1500 വോട്ടുകളുടെ ലീഡെങ്കിലും കിട്ടുമെന്ന വിചാരിച്ച സ്ഥലത്താണ് അദ്ദേഹം 750 വോട്ടുകള്‍ക്ക് പിന്നിലായത്.

ഇപ്പോള്‍ ഒന്നും പറയാനാവില്ലെന്നായിരുന്നു പി.ജെ ജോസഫിന്റെ പ്രതികരണം.
കോണ്‍ഗ്രസിന്റേയും കേരള കോണ്‍ഗ്രസിന്റേയും ശക്തികേന്ദ്രമായി വിലയിരുത്തപ്പെടുന്ന പാലായില്‍ ജോസഫ് വിഭാഗത്തിനും ശക്തമായ സാന്നിധ്യമുണ്ട്.

എന്താണ് സംഭവിച്ചതെന്ന് പരിശോധിക്കുമെന്ന് കേരള കോണ്‍ഗ്രസ് എം എം.പി തോമസ് ചാഴികാടന്‍ പറഞ്ഞു. മാണി സി കാപ്പന്റെ ലീഡ് കൂടിയതോടെ പാലായിലെ കെ.എം മാണിയുടെ വീട്ടില്‍ പ്രവര്‍ത്തകര്‍ക്കൊപ്പം തത്സമയം ഫലപ്രഖ്യാപനം കാണുകയായിരുന്ന ജോസ് ടോം അടച്ചിട്ട് മുറിയില്‍ നേതാക്കള്‍ക്കൊപ്പം ചര്‍ച്ച നടത്തുകയാണ്.