ഷാര്‍ജ: എമിറേറ്റിലെ ലൈബ്രറികളിലേക്ക് 45 ലക്ഷം ദിര്‍ഹത്തിന്റെ പുസ്തകങ്ങള്‍ വാങ്ങാന്‍ ഷാര്‍ജ ഭരണാധികാരി ശൈഖ് ഡോ.സുല്‍ത്താന്‍ ബിന്‍ മുഹമ്മദ് അല്‍ ഖാസിമി ഉത്തരവിട്ടു. ഷാര്‍ജ അന്താരാഷ്ട്ര പുസ്തകോത്സവത്തില്‍ പങ്കെടുക്കുന്ന പ്രസാധകരില്‍നിന്നാണ് പുതിയപുസ്തകങ്ങള്‍ വാങ്ങുന്നത്.

ഷാര്‍ജയിലെ ലൈബ്രറികളിലേക്ക് കൂടുതല്‍ അറബിക്, അന്തരാഷ്ട്ര പുസ്തകങ്ങള്‍ എത്തിക്കുകയാണ് ലക്ഷ്യം. വിദ്യാര്‍ഥികള്‍ക്കും ഗവേഷകര്‍ക്കും പ്രയോജനകരമായ രീതിയില്‍ ചരിത്രം, സാഹിത്യം, കല, രാഷ്ട്രീയം തുടങ്ങി വിവിധവിഭാഗങ്ങളിലുള്ള പുസ്തകങ്ങളാണ് പുതുതായി വാങ്ങുന്നത്.