മാനന്തവാടി: നിരോധിത പാന്‍മസാല വില്‍പന നടത്തിയ കടയുടമയെ പൊലിസ് അറസ്റ്റ് ചെയ്തു. എടവക പള്ളിക്കല്‍ കമ്മോത്ത് മുസ്തഫ(42)യാണ് അറസ്റ്റിലായത്.
സ്‌കൂള്‍ വിദ്യാര്‍ഥികള്‍ക്ക് ഹാന്‍സ് വില്‍പന നടത്തുന്നുവെന്ന് പരാതി ലഭിച്ചതിന്റെ അടിസ്ഥാനത്തില്‍ മാനന്തവാടി എസ്.ഐ വിനോദ് വലിയാറ്റൂരും സംഘവും നടത്തിയ പരിശോധനയിലാണ് ഇയാള്‍ പിടിയിലായത്.
കടയില്‍ നിന്ന് മുന്നൂറ് പാക്കറ്റ് നിരോധിത പാന്‍മസാല ഉല്‍പന്നമായ ഹാന്‍സ് പിടിച്ചെടുത്തിട്ടുണ്ട്.