ആലപ്പുഴ: മുഹമ്മദ് നബിയുടെ ജീവിതചര്യ ആധുനിക കാലഘട്ടത്തിന്റെ അനിവാര്യതയും മാര്‍ഗദര്‍ശനവുമാണെന്നും അത് അനുധാവനം ചെയ്താല്‍ മാനവന്‍ നേരിടുന്ന പ്രശ്‌നങ്ങള്‍ക്കും പ്രതിസന്ധികള്‍ക്കും പരിഹാരമാകുമെന്നും സമസ്ത കേരള ജംഇയ്യത്തുല്‍ ഉലമ ജില്ലാ സെക്രട്ടറി പി.എ മൂസല്‍ ഫൈസി പറഞ്ഞു.
ജംഇയ്യത്തുല്‍ ഖുത്വബ ആലപ്പുഴ മേഖലാ കമ്മിറ്റി 'മൗലിദിന്റെ പ്രാമാണികത പൗരാണികത' എന്ന പ്രമേയത്തില്‍ സംഘടിപ്പിച്ച കണ്‍വന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം. പ്രസിഡന്റ് കെ.എ നിസാമുദ്ദീന്‍ ഫൈസി അധ്യക്ഷനായി. ജനറല്‍ സെക്രട്ടറി എ.എം.എം റഹ്മത്തുല്ലാഹ് മുസ്‌ലിയാര്‍, ട്രഷറര്‍ പി.എ ശിഹാബുദ്ദീന്‍ മുസ്‌ലിയാര്‍, കെ.എ അബ്ദുസമദ് മുസ്‌ലിയാര്‍, മുസ്തഫാ ബാഖവി, സഅലബത്ത് ദാരിമി, സിറാജുദ്ദീന്‍ അശ്‌റഫി, എന്‍.ഇ സിറാജുദ്ദീന്‍ ഫൈസി, അബ്ദുല്‍ വാഹിദ് ദാരിമി, മുഹമ്മദ് ശഹീദ് ഫൈസി, മുഹമ്മദ് സുധീര്‍ മന്നാനി, എന്‍.നൗശിര്‍വാഫി സംസാരിച്ചു.
റബീഉല്‍ അവ്വലില്‍ വിവിധ സമുദായ നേതാക്കളെ പങ്കെടുപ്പിച്ച് നബിദിന സമ്മേളനം നടത്തുവാനും ലഘുലേഖ വിതരണം ചെയ്യുവാനും തീരുമാനിച്ചു.