മുംബൈ: വെസ്റ്റ് ഇന്‍ഡീസ് പര്യടനത്തിനുള്ള ഇന്ത്യന്‍ വനിതാ ക്രിക്കറ്റ് ടീമിനെ പ്രഖ്യാപിച്ചു. മിതാലി രാജ് ആണ് ഏകദിനത്തില്‍ ഇന്ത്യയെ നയിക്കുന്നത്. ടി20യില്‍ ഹര്‍മന്‍പ്രീത് കൗറും ഇന്ത്യന്‍ ടീമിനെ നയിക്കും. അടുത്ത മാസം ഒന്നുമുതലാണ് പരമ്പര തുടങ്ങുന്നത്.
വെസ്റ്റിന്‍ഡീസ് പരമ്പരയില്‍ ഇന്ത്യ മൂന്ന് ഏകദിന മത്സരങ്ങളും അഞ്ച് ടി20 മത്സരങ്ങളും കളിക്കും. നിലവില്‍ ദക്ഷിണാഫ്രിക്കക്കെതിരേ കളിച്ചുകൊണ്ടിരിക്കുന്ന അതേ ടീമിനെ നിലനിര്‍ത്തുകയാണ് ചെയ്തിട്ടുള്ളത്. ദക്ഷിണാഫ്രിക്കക്കെതിരേ മൂന്ന് ടി20 മത്സരങ്ങള്‍ ഉള്ള പരമ്പരയില്‍ ര@ണ്ട് മത്സരങ്ങള്‍ കഴിഞ്ഞപ്പോള്‍ ഇന്ത്യന്‍ 1-0ന് മുന്‍പിലാണ്. ആദ്യ ടി20 മത്സരം ഇന്ത്യ ജയിക്കുകയും ര@ണ്ടാം മത്സരം മഴകാരണം ഉപേക്ഷിക്കുകയും ചെയ്തു. പരമ്പരയിലെ മൂന്നാം മത്സരം ഇന്ന് നടക്കും.