കാക്കനാട്: രണ്ടു പേരുടെ മരണത്തിനിടയാക്കിയ കാക്കനാട് ചെമ്പുമുക്ക് ജങ്ഷനില്‍ ബാരിക്കേഡുകള്‍ സ്ഥാപിക്കണമെന്നാവശ്യപ്പെട്ട് സി.പി.ഐ, എ.ഐ.വൈ.എഫ് പ്രവര്‍ത്തകര്‍ റോഡില്‍ പ്രതികാത്മക മനുഷ്യ ബാരിക്കേഡ് തീര്‍ത്തു.
സി.പി.ഐ തൃക്കാക്കര മണ്ഡലം സെക്രട്ടറി എം. എബ്രഹാം ഉദ്ഘാടനം ചെയ്തു. എ.ഐ.വൈ.എഫ് മണ്ഡലം സെക്രട്ടറി പി.എ നവാസ് അധ്യക്ഷത വഹിച്ചു.
നഗരസഭാ സ്റ്റാന്റിംഗ് കമ്മിറ്റി ചെയര്‍മാന്‍ ജിജോ ചിങ്ങംതറ, ലോക്കല്‍ കമ്മറ്റി സെക്രട്ടറി എ.പി ഷാജി, എ.ഐ.വൈ.എഫ് ജില്ലാ ജോ. സെക്രട്ടറി കെ.ടി രാജേന്ദ്രന്‍, കെ.കെ സുമേഷ്, പ്രമേഷ് അത്താണി, കൗണ്‍സിലര്‍മാരായ ആന്റണി പരവര, പി.വി സന്തോഷ് തുടങ്ങിയവര്‍ സംസാരിച്ചു.