പാറക്കടവ്: ഉമ്മത്തൂര്‍ എസ്.ഐ ഹയര്‍ സെക്കന്‍ഡറി സ്‌കൂളില്‍ ഇഫ്താര്‍ വിരുന്നും പഠനോപകരണ വിതരണവും സംഘടിപ്പിച്ചു. ജില്ലാ പഞ്ചായത്ത് അംഗം അഹമ്മദ് പുന്നക്കല്‍ ഉദ്ഘാടനം ചെയ്തു.
മാനേജര്‍ പ്രെഫ.പി. മമ്മു അധ്യക്ഷനായി. സ്‌കൂള്‍ മികവിന്റെ കേന്ദ്രമാക്കുന്നതിന്റെ ഭാഗമായി സമാഹരിച്ച 'ക്ലാസ് ടീച്ചര്‍ക്ക് ഒരു ലാപ്‌ടോപ്പ് ' എന്ന പദ്ധതി മാനേജ്‌മെന്റ് ഭാരവാഹി വി.സി അസീസ് ജില്ലാ വിദ്യാഭ്യാസ ഓഫിസര്‍ ശശിധരന് നല്‍കി ഉദ്ഘാടനം നിര്‍വഹിച്ചു.
പ്രൊജക്ടര്‍ അഫ്രീനയില്‍ നിന്ന് പ്രിന്‍സിപ്പല്‍ കെ.സി റഷീദ് ഏറ്റു വാങ്ങി. പഞ്ചായത്ത് പ്രസിഡന്റ് തൊടുവയില്‍ മഹമൂദ്, എ. ആമിന ടീച്ചര്‍, കെ.കെ ഉസ്മാന്‍, ഷൈലജ, ടി.കെ അമ്മദ് മാസ്റ്റര്‍, ആര്‍.പി ഹസന്‍, ഹാരിസ് കൊത്തി കുടി, എം.ആര്‍ നാസര്‍, എം.പി യൂസുഫ് ഹാജി, ടി.കെ ഖാലിദ്, നസീമ കൊട്ടാരം, പി.കെ ഹനീഫ സംസാരിച്ചു.