പനമരം: കുറ്റവാളികള്‍ക്ക് അണിയിക്കുന്ന 'കൈയ്യാമ'ത്തിന്റെ പുത്തന്‍ ഉപയോഗം പരിചയപ്പെടുത്തി പൊലിസ്. പനമരം പഴയ പൊലിസ് സ്റ്റേഷന്‍ പ്രവര്‍ത്തിച്ചിരുന്ന കെട്ടിടത്തിന്റെ വാതില്‍ പൂട്ടിയിരിക്കുന്നത് 'കൈയ്യാമം' കെണ്ടാണ്. പ്രളയത്തില്‍ പൂര്‍ണമായും സ്റ്റേഷന്‍ വെള്ളത്തിലായിരുന്നു. തുടര്‍ന്ന് പത്ത് വര്‍ഷമായി സ്റ്റേഷന്‍ പ്രവര്‍ത്തിച്ചിരുന്ന നിര്‍മിതി കേന്ദ്രം കെട്ടിടത്തില്‍ നിന്ന് പനമരം ബസ് സ്റ്റാന്‍ഡ് ഷോപ്പിങ് കോംപ്ലക്‌സിന്റെ മുകള്‍ നിലയിലേക്ക് മാറ്റിയിരുന്നു. ഒരു മാസം മുമ്പ് നിലവിലെ സ്ഥലത്ത് നിന്ന് സ്റ്റേഷന്‍ മാറ്റുമ്പോള്‍ പഴയ കെട്ടിടം അടച്ച് പൂട്ടാന്‍ പൂട്ട് ഇല്ലാത്തതിനാല്‍ കൈയ്യാമം പൂട്ടാക്കുകയായിരുന്നു. കൈയ്യാമത്തിന്റെ പുതിയ ഉപയോഗം ജനങ്ങളില്‍ ചിരി പടര്‍ത്തുകയാണ്.