ഹരിപ്പാട്: സാമൂഹിക പരിഷ്‌ക്കരണങ്ങളിലൂടെ നേടിയ നവോഥാന മുല്യങ്ങളെ തകര്‍ക്കാനുള്ള ബോധപൂര്‍വമായ ശ്രമമാണ് ഇപ്പോള്‍ കേരളത്തില്‍ നടക്കുന്നതെന്ന് മന്ത്രി തോമസ് ഐസക് പറഞ്ഞു.കേന്ദ്ര ജനവിരുദ്ധ നയങ്ങള്‍ക്കും വര്‍ഗീയതക്കുമെതിരെ സി.പി.എം. ഹരിപ്പാട് മണ്ഡലം കമ്മിറ്റി നടത്തുന്ന ജനമുന്നേറ്റ ജാഥ ഉദ്ഘാടനം ചെയ്യുകയായിരുന്നു അദ്ദേഹം. ജാഥാ ക്യാപ്ടന്‍ ജില്ലാ സെക്രട്ടറിയേറ്റ് അംഗം എം.സത്യപാലന് പതാക തോമസ് ഐസക് കൈമാറി. ടി.കെ.ദേവകുമാര്‍ അധ്യക്ഷനായി. എം.സുരേന്ദ്രന്‍, എന്‍.സജീവന്‍, വി.കെ.സഹദേവന്‍, എന്‍.സോമന്‍, കെ.വിജയകുമാര്‍, ആര്‍.ഗോപി, ടി.എസ്.താഹ, പി.സി ശശികുമാര്‍ പ്രസംഗിച്ചു.