തേഞ്ഞിപ്പലം: മൂന്നാമത് സംസ്ഥാന വാഫി കായിക മേളക്ക് കാലിക്കറ്റ് യൂനിവേഴ്‌സിറ്റി സി.എച്ച് മുഹമ്മദ് കോയ സിന്തറ്റിക് സ്റ്റേഡിയത്തില്‍ ഇന്നലെ തുടക്കം. 

ഇന്റര്‍ നാഷനല്‍ ഇസ്‌ലാമിക് യൂനിവേഴ്‌സിറ്റീസ് ലീഗ് അംഗമായ കോര്‍ഡിനേഷന്‍ ഓഫ് ഇസ്‌ലാമിക് കോളജ് - സി.ഐ.സിയുമായി അഫിലിയേറ്റ് ചെയ്ത വാഫി കോളജുകളിലെ വിദ്യാര്‍ഥികളുടെ സംസ്ഥാനതല കൂട്ടായ്മയായ വാഫി സ്റ്റുഡന്റ്‌സ് ഫെഡറേഷനാണ് മീറ്റ് സംഘടിപ്പിക്കുന്നത്. 

കാലിക്കറ്റ് യൂനിവേഴ്‌സിറ്റി കായിക വിഭാഗം മേധാവി ഡോ.വി.പി സക്കീര്‍ ഹുസൈന്‍ മേള ഉദ്ഘാടനം ചെയ്തു. സി.ഐ.സി അസിസ്റ്റന്റ് കോര്‍ഡിനേറ്റര്‍ ഡോ.റഫീഖ് അബ്ദുല്‍ ബര്‍റ് വാഫി അസ്ഹരി പതാക ഉയര്‍ത്തി. കേരളാ പത്രപ്രവര്‍ത്തക യൂനിയന്‍ സംസ്ഥാന പ്രസിഡന്റ് കമാല്‍ വരദൂര്‍ മുഖ്യാതിഥിയായി. യൂനിവേഴ്‌സിറ്റി സിന്‍ഡിക്കേറ്റ് അംഗം ഡോ.റഷീദ് അഹമ്മദ്, ഡോ.സലാം വാഫി, ഡോ.താജുദ്ദീന്‍ വാഫി, ഉമര്‍ വാഫി, സ്‌പോര്‍ട്‌സ് കണ്‍ട്രോളര്‍ സി.ഷഫീഖ് വാഫി സംബന്ധിച്ചു. 

അല്‍ ഹാഫിള് അബ്ദുല്‍ റഹ്മാന്‍ ഖിറാഅത്ത് നടത്തി. ജംഷീര്‍ അലി കാവുങ്ങപ്പാറ സ്വാഗതവും ആസിഫ് തരിശ് നന്ദിയും പറഞ്ഞു.

രï് ദിവസങ്ങളിലായി നടക്കുന്ന ജൂനിയര്‍, സീനിയര്‍ വിഭാഗങ്ങളിലെ 31 ഇന മത്സരങ്ങളില്‍ 53 കോളജുകളില്‍നിന്നും തെരഞ്ഞെടുക്കപ്പെട്ട 1500 ഓളം കായിക പ്രതിഭകളാണ് കളിക്കളത്തില്‍ മാറ്റുരക്കുന്നത്.