മാനന്തവാടി: മുഹമ്മദ് നബി(സ)യുടേത് അനുപമ വ്യക്തിത്വമാണെന്ന് സമസ്ത ജില്ലാ ഉപാധ്യക്ഷന്‍ എം ഹസന്‍ മുസ്‌ലിയാര്‍. കാലങ്ങള്‍ക്കും ദേശങ്ങള്‍ക്കും അതീതമായി സമൂഹത്തിലെ എല്ലാ മേഖലകളിലും ഉള്ളവര്‍ക്കും പകര്‍ത്താവുന്ന പാഠങ്ങളാണ് പ്രവാചകന്‍ ലോകത്തിന് സമര്‍പ്പിച്ചിട്ടുള്ളതെന്നും അദ്ദേഹം കൂട്ടി ചേര്‍ത്തു.
എസ്.വൈ.എസ് ജില്ലാ കമ്മിറ്റി നടത്തിയ മീലാദ് വിളംബര റാലിയുടെ സമാപനം കുറിച്ചുകൊണ്ട് മാനന്തവാടി ഗാന്ധി പാര്‍ക്കില്‍ നടത്തിയ പൊതു സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
എസ്.വൈ.എസ് ജില്ലാ പ്രസിഡന്റ് ഇബ്രാഹീം ഫൈസി പേരാല്‍ അധ്യക്ഷനായി. ജാബിര്‍ ഹുദവി തൃക്കരിപ്പൂര്‍ പ്രമേയപ്രഭാഷണം നടത്തി. എസ് മുഹമ്മദ് ദാരിമി, പി.സി ഇബ്രാഹിം ഹാജി, ഇബ്രാഹീം ഫൈസി വാളാട്, എം.എം ബഷീര്‍, കെ.കെ.എം ഹനീഫല്‍ ഫൈസി, പി സുബൈര്‍ ഹാജി, ഷൗക്കത്തലി മൗലവി വെള്ളമുണ്ട, മൊയ്തീന്‍ കുട്ടി യമാനി, അയ്യൂബ് മാസ്റ്റര്‍ മുട്ടില്‍, ഉമര്‍ ദാരിമി, സി.കെ മജീദ് ദാരിമി, കാസിം ദാരിമി പന്തിപ്പൊയില്‍, പി.വി.എസ് മൂസ, സി കുഞ്ഞബ്ദുല്ല, മഞ്ചേരി ഉസ്മാന്‍, ഉസ്മാന്‍ ദാരിമി പന്തിപ്പൊയില്‍, ഇ.പി മുഹമ്മദലി ഹാജി, എം അബ്ദുറഹ്മാന്‍ ഹാജി, എടപ്പാറ കുഞ്ഞമ്മദ്, ജലീല്‍ ഫൈസി മാനന്തവാടി, നിസാര്‍ ദാരിമി, സി അബ്ദുഖാദര്‍ മടക്കിമല സംസാരിച്ചു. കെ മുഹമ്മദ് കുട്ടി ഹസനി സ്വാഗതവും കെ.എ നാസര്‍ മൗലവി നന്ദിയും പറഞ്ഞു.