ന്യൂഡല്‍ഹി: എന്‍.ഡി.എയുടെ രാഷ്ട്രപതി സ്ഥാനാര്‍ഥിയാകുമെന്ന വാര്‍ത്ത വിദേശകാര്യമന്ത്രി സുഷമാ സ്വരാജ് നിഷേധിച്ചു. താന്‍ സ്ഥാനാര്‍ഥിയാകുമെന്ന വാര്‍ത്ത കിംവദന്തി മാത്രമാണെന്ന് ഇതുമായി ബന്ധപ്പെട്ട ചോദ്യത്തോട് പ്രതികരിക്കവെ അവര്‍ വ്യക്തമാക്കി.
ഭരണകക്ഷിയോ പ്രതിപക്ഷമോ ഇതുവരെ അവരുടെ സ്ഥാനാര്‍ഥികളെ നിശ്ചയിച്ചിട്ടില്ല. പല പേരുകളും പലകോണുകളില്‍ നിന്ന് ഉയര്‍ന്നു കേള്‍ക്കുന്നുണ്ട്. അത്തരത്തില്‍ തന്റെ പേരും പരമാര്‍ശിക്കപ്പെടുന്നുണ്ട്.
സ്ഥാനാര്‍ഥി പട്ടികയിലേക്ക് തന്റെ പേര് പരാമര്‍ശിക്കപ്പെട്ടത് എങ്ങനെയാണെന്ന് അറിയില്ല. താനിപ്പോഴും വിദേശ കാര്യമന്ത്രിയാണ്- സുഷമാ സ്വരാജ് പറഞ്ഞു.