ചെറുതുരുത്തി: കഴിഞ്ഞ ദിവസം അസമിലെ സില്‍ച്ചറില്‍നിന്ന് തിരുവനന്തപുരത്തേയ്ക്ക് വരുന്നതിനിടെ വള്ളത്തോള്‍ നഗര്‍ റെയില്‍വേ സ്റ്റേഷനില്‍വെച്ച് നെടുകെ പിളര്‍ന്ന നിലയില്‍ കണ്ടെത്തിയ സില്‍ച്ചര്‍ എക്‌സ്പ്രസിന്റെ ജീര്‍ണിച്ച് ദ്രവിച്ച കോച്ച് അസമിലേക്ക് ഇപ്പോഴത്തെ രൂപത്തില്‍ മടക്കിക്കൊണ്ടു പോകേണ്ടതില്ലെന്ന് ധാരണ.
കോച്ച് അതീവ ജീര്‍ണാവസ്ഥയിലായതിനാല്‍ പൊളിക്കാനാണ് ധാരണ.
കഴിഞ്ഞ ദിവസം നിറയെ യാത്രക്കാരുമായി എത്തിയ ട്രെയിനിന്റെ കോച്ചില്‍നിന്ന് വന്‍ ശബ്ദം ഉയര്‍ന്നതിനെതുടര്‍ന്ന് നടത്തിയ പരിശോധനയിലാണ് കോച്ച് തകര്‍ന്നതായി കണ്ടെത്തിയത്. കോച്ച് ഇപ്പോള്‍ വള്ളത്തോള്‍ നഗര്‍ റെയില്‍വേ സ്റ്റേഷനിലാണ് സൂക്ഷിച്ചിട്ടുള്ളത്. നോര്‍ത്ത് ഈസ്റ്റ് ഫ്രോണ്ടിയര്‍ റെയില്‍വേയുടെ ഭാഗമാണ് കോച്ച്.
അതുകൊണ്ടുതന്നെ അങ്ങോട്ട് കൊണ്ടു പോകാതെ നടപടിക്രമങ്ങള്‍ പൂര്‍ത്തിയാക്കാനാകുമോയെന്നാണ് അദികൃതര്‍ പരിശോധിക്കുന്നത്.