കൊല്ലം: കണ്ടച്ചിറ അല്‍ അമീന്‍ യുവജന വേദിയുടെ നേതൃത്വത്തില്‍ ബദര്‍ അനുസ്മരണവും റമദാന്‍ റിലീഫും നടത്തി. എന്‍.കെ പ്രേമചന്ദ്രന്‍ എം.പി ഉദ്ഘാടനം ചെയ്തു. കണ്ടച്ചിറ മുസ്‌ലിം ജമാഅത്ത് പ്രസിഡന്റ് മുഹമ്മദ് ഷാഫി അല്‍ കൗസരി അധ്യക്ഷനായി. ബദര്‍ അനുസ്മരണം കലക്ടറേറ്റ് ചീഫ് ഇമാം അലി മന്നാനിയും ഉദ്‌ബോധന പ്രസംഗം കണ്ടച്ചിറ ജമാഅത്ത് ചീഫ് ഇമാം അയ്യൂബ് ഖാന്‍ മഹ്‌ളരിയും നിര്‍വഹിച്ചു.
പുന്തല മോഹനന്‍, സിറാജുദ്ദീന്‍, അബ്ദുല്‍ റഷീദ്, ഡോ. നൈജു അജിമുദ്ദീന്‍, സലീം, ദാവൂദ് മുസ്‌ലിയാര്‍, മുഹമ്മദ് ഇര്‍ഫാന്‍, മുഹമ്മദ് ഷാഫി പ്രസംഗിച്ചു. തുടര്‍ന്ന് ചികിത്സാ സഹായവും ധാന്യകിറ്റ് വിതരണവും നടത്തി.