ചെറുപുഴ: സമസ്തയുടെ മദ്‌റസകളില്‍ പഠനം നടത്തുന്നവര്‍ യഥാര്‍ഥ നവോഥാന പ്രവര്‍ത്തകരായി മാറുമെന്നും അവര്‍നാടിനോടും സമൂഹത്തോടും കൂറുള്ളവരും വര്‍ഗീയതയെ എതിര്‍ക്കുന്നവരുമായിരിക്കുമെന്നും സമസ്ത പ്രസിഡന്റ് മുഹമ്മദ് ജിഫ്‌രി മുത്തുക്കോയ തങ്ങള്‍. കുപ്പോള്‍ ഫാറൂഖ് ജുമാമസ്ജിദ് പരിപാലന കമ്മിറ്റിയുടെ ആഭിമുഖ്യത്തില്‍ നിര്‍മിച്ച മദ്‌റസ കെട്ടിടം ഉദ്ഘാടനം ചെയ്യുകയായിരുന്നു അദ്ദേഹം. എം. ഹൈദര്‍ അധ്യക്ഷനായി. സിദ്ദീഖ് ദാരിമി ബക്കളം പ്രഭാഷണം നടത്തി. പി.എസ് ഉസ്മാന്‍, സുലൈമാന്‍ ഫൈസി, മുല്ലപ്പള്ളി മഹമൂദ്, സി.എച്ച് ഇബ്രാഹിം, കെ. ശാദുലി, കെ.പി മൊയ്ദീന്‍ കുഞ്ഞി മൗലവി, ടി.പി മുസ്തഫ, സിച്ച്. സമീര്‍, ഖാലിദ് മൗലവി, മുത്തലിബ് മൗലവി, മുഹമ്മദ് കുഞ്ഞിയമാനി സംസാരിച്ചു. തുടര്‍ന്ന് നടന്ന മജ്‌ലിസുന്നൂറിന് മുഹമ്മദ്ഹുസൈന്‍ തങ്ങള്‍ അല്‍ അസ്ഹരി പട്ടാമ്പി നേതൃത്വം നല്‍കി.