തലശ്ശേരി: വര്‍ത്തമാനക്കാലത്ത് പ്രവര്‍ത്തിക്കുന്ന എല്ലാമാധ്യമങ്ങള്‍ക്കും അതിന്റേതായ ഇടം സമൂഹത്തിലുണ്ടെന്നു മുന്‍ സംസ്ഥാന തെരഞ്ഞെടുപ്പ് കമ്മിഷണര്‍ പി. കമാല്‍കുട്ടി. സുപ്രഭാതം തലശ്ശേരി സബ്ബ്യൂറോ ഉദ്ഘാടനം ചെയ്യുകയായിരുന്നു അദ്ദേഹം. കൂടുതല്‍ ചിന്തിക്കാനും ഓര്‍മിപ്പിക്കാനും കഴിയുന്ന സ്‌നേഹോപഹാരമാണു സുപ്രഭാതം വായനക്കാര്‍ക്കു സമ്മാനിക്കുന്നത്. വര്‍ത്തമാനകാലത്തുണ്ടാകുന്ന പ്രശ്‌നങ്ങള്‍ അതുപോലെ പറയാന്‍ സുപ്രഭാതത്തിനു മാത്രമേ കഴിയൂവെന്നും കമാല്‍കുട്ടി വ്യക്തമാക്കി.
സുപ്രഭാതം സി.ഇ.ഒ മുസ്തഫ മുണ്ടുപാറ അധ്യക്ഷനായി. റസിഡന്റ് മാനേജര്‍ മുഹമ്മദ് നാഫി, ഇബ്രാഹിം ബാഖവി പൊന്ന്യം, എ.കെ അബ്ദുല്‍ബാഖി, നവാസ് മേത്തര്‍, എന്‍. പ്രശാന്ത്, എ.പി അഹ്മദ്, ആര്‍.വി അബൂബക്കര്‍ യമാനി, ബ്യൂറോ ചീഫ് എം.പി മുജീബ് റഹ്മാന്‍ സംസാരിച്ചു. ടി.സി സലീം, ഫിറോസ്, സി.കെ അഷ്‌റഫ്, ഷൗക്കത്തലി ഉമ്മന്‍ചിറ, ഹഫീസ് മുഴപ്പിലങ്ങാട്, സഫീര്‍ തിരുവങ്ങലത്ത് നേതൃത്വം നല്‍കി.