ഫറോക്ക്: സൗദിയില്‍ നിന്നും ജോലി നഷ്ടപ്പെട്ടു തിരച്ചെത്തുന്ന പ്രവാസികളെ പുനരധിവസിപ്പിക്കാന്‍ സര്‍ക്കാര്‍ നടപടി സ്വീകരിക്കണമെന്ന് പ്രവാസി കോ-ഓര്‍ഡിനേഷന്‍ കമ്മിറ്റി സര്‍ക്കാറിനോട് ആവശ്യപ്പെട്ടു.
സര്‍ക്കാറിന്റെ നിതാഖത് പുനരധിവാസ പദ്ധതി പ്രകാരം വായ്പയെടുത്തു തിരിച്ചടവ് മുടങ്ങിയവരെ ബാങ്ക് ഉദ്യോഗസ്ഥര്‍ ഭീഷണിപ്പെടുത്തന്നതായി പരാതികളുണ്ടെന്നും ഈ വിഷയത്തില്‍ സര്‍ക്കാര്‍ അടിയന്തരമായി ഇടപെടണമെന്നും പ്രവാസി സംഗമം അഭ്യര്‍ത്ഥിച്ചു.
 കോ-ഓര്‍ഡിനേഷന്‍ കമ്മിറ്റി ചെയര്‍മാന്‍ ആറ്റക്കോയ പളളിക്കണ്ടി അധ്യക്ഷം വഹിച്ചു. എം.പി അബ്ദുല്‍ ഹമീദ്, പി.മുഹമ്മദ്കുട്ടി, അബ്ദുളള കക്കോവ്, സുധീഷ് രാമനാട്ടുകര, എം.സുബ്ര്ഹ്മണ്യം, ടി.എ സാലി, ഇ.മൊയ്തീന്‍കുട്ടി, പി.കെ അബ്ദുല്ല, മുഹമ്മദ്കുട്ടി ഫറോക്ക്, കെ.കെ സിദ്ദീഖ്, സി.എം സുരേഷ് ബാബു, പി.വി.അബ്ദുല്ലക്കുട്ടി സംസാരിച്ചു.