കോഴിക്കോട്: ചന്ദ്രിക മുന്‍പത്രാധിപര്‍ അഹമ്മദ്കുട്ടി ഉണ്ണികുളം രചിച്ച 'ചിന്തയുടെ ഇസ്‌ലാം' പുസ്തക പ്രകാശനം നാളെ. ഹോട്ടല്‍ ഹൈസണ്‍ ഹെറിറ്റേജില്‍ രാവിലെ 9.30ന് നടക്കുന്ന ചടങ്ങില്‍ മുസ്‌ലിംലീഗ് സംസ്ഥാന അധ്യക്ഷന്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ പുസ്തക പ്രകാശനം നിര്‍വഹിക്കുമെന്ന് സംഘാടക സമിതി ഭാരവാഹികള്‍ അറിയിച്ചു.
മുസ്‌ലിംലീഗ് ദേശീയ ട്രഷറര്‍ പി.കെ കുഞ്ഞാലിക്കുട്ടി ആദ്യപ്രതി ഏറ്റുവാങ്ങും.
ദേശീയ സെക്രട്ടറി ഇ.ടി മുഹമ്മദ് ബഷീര്‍ എം.പി അധ്യക്ഷനാകുന്ന ചടങ്ങില്‍ നജീബ് കാന്തപുരം ഗ്രന്ഥപരിചയം നടത്തും. ഒലീവ് പബ്ലിക്കേഷന്‍സാണ് പുസ്തകം പുറത്തിറക്കുന്നത്. എം.പി വീരേന്ദ്രകുമാര്‍ എം.പി, മുസ്‌ലിംലീഗ് ദേശീയ സെക്രട്ടറി എം.പി അബ്ദുസമദ് സമദാനി, സംസ്ഥാന ജനറല്‍ സെക്രട്ടറി കെ.പി.എ മജീദ്, ട്രഷറര്‍ പി.കെ.കെ ബാവ,
പി.വി അബ്ദുല്‍വഹാബ് എം.പി, എം.കെ രാഘവന്‍ എം.പി, എം.എല്‍.എമാരായ ഡോ. എം.കെ മുനീര്‍, വി.കെ ഇബ്രാഹിംകുഞ്ഞ്, സി. മമ്മുട്ടി, കെ.എം ഷാജി, പാറക്കല്‍ അബ്ദുല്ല, കോഴിക്കോട് ഖാസി സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി, നവാസ് പൂനൂര്‍,  ഒ. അബ്ദുറഹ്മാന്‍, ഡോ. ഫസല്‍ ഗഫൂര്‍ തുടങ്ങിയവര്‍ പങ്കെടുക്കും.