കോഴിക്കോട്: ഇന്ത്യയിലെ മികച്ച ജില്ലാ സഹകരണ ബാങ്ക് ചെയര്‍മാനുള്ള ബാങ്കിങ് ഫ്രോണ്ടിയര്‍ ദേശീയ പുരസ്‌ക്കാരം നേടിയ മനയത്ത് ചന്ദ്രനും മികച്ച നഗരസഭാ കൗണ്‍സിലര്‍ക്കുള്ള എം.പി പത്മനാഭന്‍ പുരസ്‌ക്കാരം ലഭിച്ച പി. കിഷന്‍ചന്ദിനും ഈമാസം ഏഴിന് പൗരസ്വീകരണം നല്‍കുന്നു.
രാവിലെ 9.30ന് ടൗണ്‍ഹാളില്‍ നടക്കുന്ന ചടങ്ങ് മന്ത്രി എ.കെ ശശീന്ദ്രന്‍ ഉദ്ഘാടനം ചെയ്യും.
 എ. പ്രദീപ് കുമാര്‍ എം.എല്‍.എ, മേയര്‍ തോട്ടത്തില്‍ രവീന്ദ്രന്‍, അഡ്വ. തമ്പാന്‍ തോമസ്, ടി.പി ദാസന്‍, ടി.വി ബാലന്‍ തുടങ്ങിയവര്‍ സംബന്ധിക്കും. വാര്‍ത്താ സമ്മേളനത്തില്‍ വി. കൃഷ്ണദാസ്, അഡ്വ. ആര്‍.എന്‍ രഞ്ജിത്, ടി.പി ഗോപാലന്‍ തുടങ്ങിയവര്‍ സംബന്ധിച്ചു.