കൊച്ചി: മഴക്കാലരോഗങ്ങള്‍ക്കെതിരെയുള്ള പ്രതിരോധ പ്രവര്‍ത്തനങ്ങളുടെ ഭാഗമായി ഇന്ന് കുന്നത്തുനാട് അസംബ്ലി നിയോജകമണ്ഡലതലത്തിലുള്ള അവലോകന യോഗം ഇന്നലെ വടവുകോട് സാമൂഹ്യാരോഗ്യകേന്ദ്രത്തില്‍ ചേര്‍ന്നു. കുന്നത്തുനാട് എം.എല്‍.എ വി. പി. സജീന്ദ്രന്‍ അവലോകന യോഗം ഉദ്ഘാടനം ചെയ്തു. വടവുകോട് ബ്ലോക്ക് പഞ്ചായത്ത് പ്രസിഡന്റ് ഗൗരി വേലായുധന്‍ യോഗത്തില്‍ അധ്യക്ഷയായി.
തിരുവാണിയൂര്‍ ഗ്രാമ പഞ്ചായത്ത് പ്രസിഡന്റ് അഡ്വ.കെ.സി. പൗലോസ്, ഐക്കരനാട് ഗ്രാമ പഞ്ചായത്ത് പ്രസിഡന്റ് കെ.കെ. രാജു, ആരോഗ്യകാര്യ സ്ഥിരംസമിതി അദ്ധ്യക്ഷന്‍ ജോസ് വി.ജേക്കബ്, മഴുവന്നൂര്‍ ഗ്രാമപഞ്ചായത്ത് പ്രസിഡന്റ് അമ്മുക്കുട്ടി സുദര്‍ശനന്‍, വടവുകോട് ബ്ലോക്ക് പഞ്ചായത്ത് വൈസ് പ്രസിഡന്റ് ബിനീഷ്, വടവുകോട് പുത്തന്‍കുരിശ് ആരോഗ്യകാര്യ സ്ഥിരംസമിതി അധ്യക്ഷന്‍ മോഹന്‍, വാഴക്കുളം ഗ്രാമപഞ്ചായത്ത് വൈസ് പ്രസിഡന്റ് ഷെയറീന ബഷീര്‍, ആരോഗ്യകാര്യ സ്ഥിരംസമിതി അധ്യക്ഷ ശ്രീമതി. നിഷ അലിയാര്‍, തുടങ്ങിയവര്‍ സംബന്ധിച്ചു. ജില്ലാ മെഡിക്കല്‍ ഓഫീസര്‍ ഡോ. എന്‍.കെ.കുട്ടപ്പന്‍ വിഷയാവതരണം നടത്തി.