വടകര: കരിമ്പനപ്പാലത്ത് കാര്‍ ഷോറൂമില്‍ വന്‍തീപിടിത്തം. ദേശീയപാതയോട് ചേര്‍ന്നു പ്രവര്‍ത്തിക്കുന്ന ഗോള്‍ഡന്‍ കാര്‍സ് ഷോറൂമിലാണ് ഇന്നലെ രാവിലെ പത്തരയോടെ അഗ്നിബാധ ഉണ്ടായത്. 

യൂസ്ഡ് കാര്‍ ഷോറൂമാണിത്. ഷോറൂമിനകത്ത് സൂക്ഷിച്ച കാറില്‍ നിന്നാണ് തീപ്പിടിത്തമുണ്ടായതെന്നു കരുതുന്നു.
രണ്ടിലേറെ കാറുകളിലേക്കു തീപടര്‍ന്നിട്ടുണ്ട്. പഴങ്കാവില്‍ നിന്നു ഫയര്‍ഫോഴ്‌സെത്തി തീയണച്ചു. തീ കെടുത്താന്‍ ശ്രമിക്കുമ്പോള്‍ പൊട്ടിത്തെറി ഉണ്ടായത് ഫയര്‍ഫോഴ്‌സിന് പ്രയാസം സൃഷ്ടിച്ചു. ഇരുപത് ലക്ഷം രൂപയുടെ നഷ്ടം കണക്കാക്കുന്നു