പുത്തനത്താണി: കല്‍പകഞ്ചേരി കേന്ദ്രീകരിച്ചു വീണ്ടും കഞ്ചാവ് വേട്ട. നാലു കിലോയോളം കഞ്ചാവുമായി എടപ്പാള്‍ അയിലക്കാട് പരുവിങ്ങല്‍ അബ്ദുല്‍ മന്‍സൂര്‍ (31 ), കടുങ്ങാത്തകുണ്ട് കണ്ടന്‍ചിറ പറമ്പില്‍ സനീഷ് (30) എന്നിവരാണ് അറസ്റ്റിലായത്. കഴിഞ്ഞ ദിവസങ്ങളിലായി കല്‍പകഞ്ചേരി എസ്.ഐ കെ.ആര്‍ രഞ്ജിത്തിന്റെ നേതൃത്വത്തില്‍ നടത്തിയ പരിശോധനയില്‍ അഞ്ചു കിലോയോളം കഞ്ചാവാണ് പിടികൂടിയത്.

ദിവസങ്ങള്‍ക്കു മുന്‍പു പേരെരണ്ടു കിലോ വരുന്ന കഞ്ചാവുമായ പിടികൂടിയിരുന്നു. ഇതിന്റെ തുടരന്വേഷണത്തിലാണ് പുതിയ സംഭവം. പ്രതികളെ തിരൂര്‍ കോടതിയില്‍ ഹാജരാക്കി റിമാന്‍ഡ് ചെയ്തു.