കൊക്രാജര്‍: അസമിലെ കൊക്രാജറില്‍ തീവ്രവാദി ആക്രമണത്തില്‍ 14 പേര്‍ മരിച്ചു. 30 പേര്‍ക്ക് പരുക്കേറ്റതായാണ്‌ റിപ്പോര്‍ട്ട്. തീവ്രവാദികളും സുരക്ഷാസേനയുമായുള്ള ഏറ്റുമുട്ടല്‍ തുടരുകയാണ്.

സുരക്ഷാ സേനയുമായുള്ള ഏറ്റുമുട്ടലില്‍ ഒരു തീവ്രവാദി മരിച്ചതായും റിപ്പോര്‍ട്ടുണ്ട്. നഗരത്തിലെ മാര്‍ക്കറ്റിലെത്തിയ നാലംഗ സംഘം ജനങ്ങള്‍ക്ക് നേരെ വെടിയുതിര്‍ക്കുകയായിരുന്നു.

ആക്രമിച്ചത് നാഷണല്‍ ഡെമോക്രാറ്റിക് ഫ്രണ്ട് ഓഫ് ബോഡോലാന്‍ഡ് എന്ന് അസം ഡി.ജി.പി
ആക്രമണത്തില്‍ കൊല്ലപ്പെട്ടവരുടെ കുടുംബത്തിന് അഞ്ച് ലക്ഷം രൂപയും പരുക്കേറ്റവര്‍ക്ക് ഒരു ലക്ഷം രൂപയും നല്‍കുമെന്ന് അസം മുഖ്യമന്ത്രി സര്‍ബാനന്ദ സോനോവാള്‍ അറിയിച്ചു.
പ്രദേശത്തിന്റെ നിയന്ത്രണം സൈന്യം ഏറ്റെടുത്തു.