തിരുവനന്തപുരം: പ്രേംനസീര്‍ സുഹൃത് സമിതിയുടെ മൂന്നാമത് പുരസ്‌കാരം നടി കവിയൂര്‍ പൊന്നമ്മയ്ക്ക് നല്‍കുമെന്ന് സമിതി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.10001 രൂപയും പ്രശസ്തിപത്രവും അടങ്ങുന്ന പുരസ്‌കാരം 30ന് വൈകിട്ട് ആറിന് പൂജപ്പുര ശ്രീചിത്തിരതിരുനാള്‍ ഓഡിറ്റോറിയത്തില്‍ നടക്കുന്ന ചടങ്ങില്‍ സ്പീക്കര്‍ പി. ശ്രീരാമകൃഷ്ണന്‍ സമര്‍പ്പിക്കും. പ്രേംനസീര്‍ സുഹൃത് സമിതി ജനറല്‍ കണ്‍വീനര്‍ എസ്. ബാദുഷ, ഉപദേശകസമതി അംഗം കടയ്ക്കല്‍ രമേഷ്, പനച്ചമൂട് ഷാജഹാന്‍, കെ. ദസ്തഗീര്‍ എന്നിവര്‍ വാര്‍ത്താസമ്മേളനത്തില്‍ സംബന്ധിച്ചു.