ബംഗളൂരു: നന്മ ചെയ്യുന്നവര്‍ക്കും തിന്മ പ്രവര്‍ത്തിക്കുന്നവര്‍ക്കും ജീവിക്കാനുളള ചുറ്റുപാടുകള്‍ ഉണ്ടാക്കിത്തരുന്നത് ദൈവകാരുണ്യമാണെന്നും നമുക്ക് കിട്ടുന്നതൊക്കെ ദൈവത്തിന്റെ കാരുണ്യത്തില്‍ നിന്നുളളതാണെന്ന തിരിച്ചറിവ് ഓരോരുത്തരിലും ഉണ്ടാകുമ്പോഴാണ് ഇവിടം സല്‍കര്‍മങ്ങള്‍കൊണ്ട് സമ്പന്നമാകുന്നതെന്നും ടി.വി ഇബ്രാഹീം എം.എല്‍.എ പറഞ്ഞു. ആള്‍ ഇന്ത്യ കെ.എം.സി.സി ബംഗളൂരു സെന്‍ട്രല്‍ കമ്മിറ്റി സംഘടിപ്പിച്ച പി.ബി അബ്ദുള്‍ റസാഖ്, സൈനുല്‍ ആബിദ്അനുസ്മരണവും ശിഹാബ് തങ്ങള്‍ സെന്റര്‍ ഫോര്‍ ഹ്യൂമാനിറ്റി മാസാന്ത കണ്‍വന്‍ഷനും ഉല്‍ഘാടനം ചെയ്ത് സംസാരിക്കുകയായിരുന്നു അദ്ധേഹം. സെന്‍ട്രല്‍ കമ്മിറ്റി ജനറല്‍ സെക്രട്ടറി എം.കെ നൗഷാദ് അധ്യക്ഷം വഹിച്ചു. ഏരിയ പ്രസിഡന്റ് അഷ്‌റഫ് പി.വി, പ്രസിഡന്റ് ടി. ഉസ്മാന്‍, സി.പി സദഖത്തുളള, റഷീദ് മൗലവി, ആബിദ് ദാരിമി, താജുദ്ധീന്‍ കതിരൂര്‍, കെ. യൂനുസ് പ്രസംഗിച്ചു.