കരുളായി: അന്താരാഷ്ട്ര മുലയൂട്ടല്‍ വാരാചരണത്തിന്റെ ഭാഗമായി മുലയൂട്ടുന്നവര്‍ക്കായി ബോധവത്കരണ ക്ലാസ് സംഘടിപ്പിച്ചു. കുട്ടികള്‍ക്ക് മുലപ്പാല്‍ നല്‍കുന്നതിന്റെ ഗുണത്തെപ്പറ്റിയും പാല്‍ നല്‍കിയില്ലെങ്കിലുള്ള ഭവിഷ്യത്തിനെക്കുറിച്ചും മുലപ്പാല്‍ നല്‍കാത്ത അമ്മമാര്‍ക്കു@ാവുന്ന ആരോഗ്യപ്രശ്‌നങ്ങളെ കുറിച്ചുമുള്ള ബോധവത്കരണ ക്ലാസാണ് നടത്തിയത്.
ഗ്രാമപഞ്ചായത്തിന്റെയും ഐ.സി.ഡി.എസിന്റെയും പ്രാഥമികാരോഗ്യ കേന്ദ്രത്തിന്റെയും നേതൃത്വത്തില്‍ നടത്തിയ പരിപാടിയില്‍ ജെ.പി.എച്ച്.എന്‍ കെ.എന്‍ ശുഭ ക്ലാസെടുത്തു. ഗ്രാമപഞ്ചായത്തംഗം ഖദീജ ഉസ്മാന്‍ ഉദ്ഘാടനം ചെയ്തു. സി.ഡി.പി.ഒ പി.സി റജീന, എല്‍.എച്ച്.ഐ വസുമതി, അങ്കണവാടി വര്‍ക്കര്‍മാരായ കെ.പി ഷൈല, സൈനബ, ചന്ദ്രിക, ജമീല, പ്രേമജ, സന്ധ്യ സംസാരിച്ചു.