തിരുവനന്തപുരം: മാര്‍ക്ക് ദാന വിവാദത്തില്‍ മന്ത്രി കെ.ടി ജലീലിന്റെ രാജിയാവശ്യപ്പെട്ട് കെ.എസ്.യു സെക്രട്ടേറിയറ്റിലേക്കു നടത്തിയ മാര്‍ച്ചില്‍ സംഘര്‍ഷം. ലാത്തിച്ചാര്‍ജില്‍ ഒരു വിദ്യാര്‍ഥിനിക്ക് പരുക്കേറ്റു. പ്രതിഷേധത്തിനിടെ സമരക്കാര്‍ ഗേറ്റ് കടന്ന് മുന്നേറാന്‍ ഉള്ള ശ്രമം പൊലിസ് തടഞ്ഞതോടെയാണ് സംഘര്‍ഷത്തില്‍ കലാശിച്ചത്. പ്രവര്‍ത്തകര്‍ക്കെതിരെ പൊലിസ് ജലപീരങ്കി പ്രയോഗിച്ചു. രണ്ടു തവണയാണ് ജലപീരങ്കി പ്രയോഗിച്ചത്.തുടര്‍ന്ന് സമാധാനപരമായി മാര്‍ച്ച് നടത്തിയവര്‍ക്കെതിരെ പൊലിസ് അക്രമം കാട്ടിയെന്നാരോപിച്ച് വിദ്യാര്‍ഥികള്‍ ഒരു മണിക്കൂറിലേറെ സെക്രട്ടേറിയേറ്റിന് മുന്നില്‍ മുദ്രാവാക്യങ്ങളുയര്‍ത്തി. തുടര്‍ന്ന് ഏറെ ശ്രമപ്പെട്ടാണ് പൊലിസ് ഇവരെ അറസ്റ്റ് ചെയ്ത് നീക്കിയത്.
പി.എസ്.സിയിലെ പരീക്ഷാ ക്രമക്കേട്, എം.ജി സര്‍വകലാശാലയിലെ മാര്‍ക്ക് ദാനവിവാദം എന്നിവയില്‍ അന്വേഷണം വേണമെന്നആവശ്യമുന്നയിച്ചായിരുന്നു മാര്‍ച്ച്.