ലഖ്‌നൗ: ഈ  വര്‍ഷത്തെ അന്താരാഷ്ട്ര സാഹിത്യോത്സവം  ഒക്ടോബറില്‍ സംസ്ഥാനത്ത് നടത്താന്‍ തീരുമാനിച്ചു. ഇന്ത്യന്‍ സാഹിത്യത്തെക്കുറിച്ച് മാത്രമല്ല ലോക സാഹിത്യങ്ങളെക്കുറിച്ചും സാഹിത്യകാരന്‍മാരെക്കുറിച്ചുമുള്ള സംവാദങ്ങളും  ആഘോഷത്തിന്റെ ഭാഗമായി നടത്തും. ബനാറസ് ഹിന്ദു സര്‍വകലാശാല കേന്ദ്രീകരിച്ചായിരിക്കും ആഘോഷ പരിപാടികള്‍ നടക്കുക. മൂന്ന് ദിവസങ്ങളിലായി നടക്കുന്ന സാഹിത്യോത്സവത്തില്‍ ഇന്ത്യന്‍ സാഹിത്യത്തെ പരിപോഷിപ്പിക്കുന്നതിനുള്ള വിവിധ പരിപാടികളും പദ്ധതികളും ആസൂത്രണം ചെയ്യുമെന്നാണ് വിവരം.