തിരുവനന്തപുരം: ഭരണപരിഷ്‌കാര കമ്മിഷന്‍ ചെയര്‍മാന്‍ വി.എസ് അച്യുതാനന്ദനെ തെരഞ്ഞെടുപ്പ് പൊതുയോഗത്തിനിടെ അധിക്ഷേപിച്ച് കെ. സുധാകരന്‍ എം.പി.
വറ്റിവരണ്ട തലച്ചോറില്‍നിന്ന് എന്ത് ഭരണപരിഷ്‌കാരമാണ് ഉണ്ടായതെന്ന് കെ. സുധാകരന്‍ ചോദിച്ചു. വട്ടിയൂര്‍ക്കാവ് മണ്ഡലത്തിലെ വിവിധ പൊതുയോഗങ്ങളില്‍ സംസാരിക്കുകയായിരുന്നു സുധാകരന്‍.
'വി.എസ് ഭരണ പരിഷ്‌കാര കമ്മിഷന്‍ ചെയര്‍മാന്‍ ആയപ്പോള്‍ താന്‍ ഒരുപാട് പ്രതീക്ഷിച്ചു.
വളരെ ചെറുപ്പക്കാരനായ അദ്ദേഹം ചെയര്‍മാന്‍ ആവുമ്പോള്‍ നാട്ടില്‍ എന്തോക്കയോ സംഭവിക്കുമെന്ന് പ്രതീക്ഷിച്ചു. മലബാറില്‍ ഒരു ചൊല്ലുണ്ട്... 60 ല്‍ അത്തും പിത്തും 70 ല്‍ ഏടാ മൂടാ, 80 ല്‍ എടുക്ക് ബെക്ക്, 90 ല്‍ എടുക്ക് നടക്ക്.... വി.എസിന് 96 ആയി... വറ്റിവരണ്ട തലയോട്ടിയില്‍ നിന്ന് എന്ത് ഭരണ പരിഷ്‌കാരമാണ് ഉണ്ടായത്?.
10 കോടി ചെലവാക്കാന്‍ അദ്ദേഹത്തിന്റെ തലയില്‍ എന്താണുള്ളതെന്നും സുധാകരന്‍ ചോദിച്ചു.