കോട്ടയം: മാര്‍ക്ക് ദാന വിവാദത്തില്‍ ഉന്നത വിദ്യാഭ്യാസ മന്ത്രിയ്ക്ക് തിരിച്ചടി. സര്‍വകലാശാലയുടെ ഭരണഘടനാപരമായ അധികാരങ്ങളിലും അവകാശങ്ങളിലും പ്രൊ ചാന്‍സലറായ ഉന്നതവിദ്യാഭ്യാസ മന്ത്രിക്ക് ഇടപെടാന്‍ നിയമമില്ലെന്ന് ഉന്നത വിദ്യാഭ്യാസ കൗണ്‍സിലര്‍ വൈസ് ചെയര്‍മാന്‍ രാജന്‍ ഗുരുക്കള്‍ പറഞ്ഞു.

വിദ്യാര്‍ഥികള്‍ക്ക് മാര്‍ക്ക് കൂട്ടി നല്‍കാന്‍ സിന്‍ഡിക്കേറ്റിന് അധികാരമില്ലെന്നും  ഉത്തരക്കടലാസ് വിളിച്ചുവരുത്താനും അധികാരമില്ലെന്നും എം.ജി സര്‍വകലാശാല മുന്‍ വി സി കൂടിയായ അദ്ദേഹം  കൂട്ടിച്ചേര്‍ത്തു.