വാടാനപ്പള്ളി: തെരഞ്ഞെടുപ്പ് മുന്നില്‍ കണ്ടാണ് രാമക്ഷേത്ര പ്രശ്‌നം സംഘ്പരിവാര്‍ കുത്തിപ്പൊക്കുന്നതെന്ന് മുസ്‌ലിം ലീഗ് സംസ്ഥാന സെക്രട്ടറി സി.എച്ച് റഷീദ്. അഞ്ചു സംസ്ഥാനങ്ങളിലെ നിയമസഭാ തെരഞ്ഞെടുപ്പും അടുത്ത വര്‍ഷം നടക്കുന്ന ലോക്‌സഭാ തെരഞ്ഞെടുപ്പും ബി.ജെ.പിയെ ഭയപ്പെടുത്തുകയാണ്. യുവജന യാത്രയോടനുബന്ധിച്ച് മുസ്‌ലിം ലീഗ് പഞ്ചായത്ത് കമ്മിറ്റി എം.എം ഹനീഫ സ്മാരക സൗധത്തില്‍ നടത്തിയ സ്‌പെഷല്‍ കണ്‍വന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം. ലീഗ് പഞ്ചായത്ത് പ്രസിഡന്റ് പി.എ മുഹമ്മദ് മോന്‍ ഹാജി അധ്യക്ഷനായി. യൂത്ത് ലീഗ് ജില്ലാ ജനറല്‍ സെക്രട്ടറി എ.എം സനൗഫല്‍, ലീഗ് പഞ്ചായത്ത് ജനറല്‍ സെക്രട്ടറി പി.എ സുലൈമാന്‍, പി.കെ അഹമ്മദ്, കെ.എം അബ്ദുല്ല, പി.എം ഖാലിദ്, രജനി കൃഷ്ണാനന്ദ്, പി.എം ഉസ്മാന്‍, എ.സി അബ്ദു റഹിമാന്‍, പി. തസ്‌ലിം ഖാലിദ്, പി.എ മുജീബ്, വി.എം മുഹമ്മദ് സമാന്‍, മേപ്പറമ്പില്‍ കുഞ്ഞിമോന്‍ സംസാരിച്ചു.