കോഴിക്കോട്: വാണിമേല്‍ പുഴ സംരക്ഷണത്തിന്റെ ഭാഗമായി സി.ഡബ്ല്യു.ആര്‍.ഡി.എം ശാസ്ത്ര ജ്ഞന്‍ ഡോ. വി.പി ദിനേശന്റെ നേതൃത്വത്തിലുള്ള സംഘം ഇന്ന് പുഴയുടെ വിവിധ ഭാഗങ്ങള്‍ സന്ദര്‍ശിക്കും.  ഉച്ചയ്ക്ക് രണ്ടിന് വാണിമേല്‍ പാലത്തിന് സമീപമുള്ള പുഴയോരത്ത് പുഴസംരക്ഷണവുമായി ബന്ധപ്പെട്ട ഓപണ്‍ ഫോറവും സംഘടിപ്പിച്ചിട്ടുണ്ട്.പരിപാടി പഞ്ചായത്ത് പ്രസിഡണ്ട് ഒ.സി ജയന്റെ അദ്ധ്യക്ഷതയില്‍ ഡോ. ദിനേശന്‍ ഉദ്ഘാടനം ചെയ്യും. വാണിമേല്‍ പുഴ സംരക്ഷമവുമായി ബന്ധപ്പെട്ട് നിര്‍ദേശങ്ങള്‍ സമര്‍പ്പിക്കുവാനും അഭിപ്രായങ്ങള്‍ സമര്‍പ്പിക്കുവാനും ആഗ്രഹിക്കുന്ന മുഴുവന്‍ സംഘടനാ ഭാരവാഹികളും പരിസ്ഥിതി സ്‌നേഹികളും ഓപണ്‍ ഫോറത്തില്‍ എത്തിച്ചേരണമെന്ന് പഞ്ചായത്ത് സെക്രട്ടറി അറിയിച്ചു.