എടപ്പാള്‍: മഴക്കാല പ്രതിരോധ ബോധവല്‍ക്കരണ പ്രചരണവുമായി വിദ്യാര്‍ഥികള്‍ വീടുകള്‍ സന്ദര്‍ശിച്ചു. നരിപ്പറമ്പ് ജി.എല്‍.പി സ്‌കൂളിലെ വിദ്യാര്‍ഥികളാണ് വാര്‍ഡ് ആരോഗ്യ ശുചിത്വ സമിതിയുടെ സഹകരണത്തോടെ പരിപാടി സംഘടിപ്പിച്ചത്.
വീടുകളിലെത്തിയ വിദ്യാര്‍ഥികള്‍ വീടിന്റെ പരിസരത്ത് അലക്ഷ്യമായി വലിച്ചെറിഞ പ്ലാസ്റ്റിക്ക് ക്യാരി ബാഗുകള്‍, കളിപ്പാട്ടങ്ങള്‍, ടയറുകള്‍ തുടങ്ങിയവ നീക്കം ചെയ്തു. വ്യക്തി പരിസര ശുചിത്വത്തിന്റെയും തിളപ്പിച്ചാറിയ വെള്ളം കുടിക്കേണ്ടതിന്റേയും പ്രാധാന്യം വീട്ടുകാരെ ബോധ്യപ്പെടുത്തി. നിര്‍ദ്ദേശങ്ങള്‍ രേഖപ്പെടുത്തിയ ലഘുരേഖകള്‍ വിതരണം ചെയ്തു. വാര്‍ഡ് അംഗം കെ.വി സലീം, പ്രധാനാധ്യാപിക സി.വി രത്‌നം, ഹെല്‍ത്ത് ഇന്‍സ്‌പെക്ടര്‍ രാജേഷ് പ്രശാന്തിയില്‍, വി.വി സുരേഷ് ബാബു, ടി.പി നിരജ്ജന്‍, കെ.എ കവിത,വി.വി സജിനി, എം അശോകന്‍, കെ.കെ അപ്പു നേതൃത്വം നല്‍കി.