കുട്ടനാട്: റിപ്പയറിങിനിടെ പാചകവാതക സിലിണ്ടറില്‍ നിന്നു തീപടര്‍ന്ന് മൂന്നുപേര്‍ക്കു പൊള്ളലേറ്റു. റിപ്പയറിങിനെത്തിയ ടെക്‌നീഷ്യന്‍ പുളിങ്കുന്ന് ഗ്രാമപഞ്ചായത്ത് നാലാം വാര്‍ഡ് തൊണ്ണൂറിന്‍ചിറ ചക്കുപുരയ്ക്കല്‍ സണ്ണിച്ചന്‍, പുളിങ്കുന്ന്് ഓടയ്ക്കല്‍ ചന്ദ്രന്‍, ചന്ദ്രന്റെ ഭാര്യ പ്രസന്ന എന്നിവര്‍ക്കാണ് പൊള്ളലേറ്റത്. ചന്ദ്രന്റെ വീട്ടിലെ പാചകവാതക സിലിണ്ടറിന് ചോര്‍ച്ചയുണ്ടെന്ന പരാതിയെത്തുടര്‍ന്ന് പരിശോധിക്കാനെത്തിയതാണ് സണ്ണിച്ചന്‍. പരിശോധനയ്ക്കിടെ സിലിണ്ടറില്‍ നിന്നു തീയാളുകയായിരുന്നു. വീടിന്റെ മേല്‍ക്കൂര തകരുകയും ചെയ്തു.പരുക്കേറ്റ സണ്ണിച്ചനെ തിരുവല്ലയിലെ സ്വകാര്യ ആശുപത്രിയിലും, പ്രസന്നയെ കോട്ടയം മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു. ഓട് തകര്‍ന്നാണ് ചന്ദ്രന് പരുക്കേറ്റത്.