പെരിന്തല്‍മണ്ണ: രണ്ട് സംഭവങ്ങളിലായി പ്രകൃതിവിരുദ്ധ പീഡനം നടത്തിയതായ പരാതിയില്‍ രണ്ടുപേര്‍ അറസ്റ്റില്‍. പാതായ്ക്കര കോവിലകംപടി താണിയന്‍ റഷീദ്(38), ഇരുമ്പാല കല്ലിങ്ങല്‍ത്തൊടി മുഹമ്മദ് റഫീഖ്(34) എന്നിവരെയാണ് സി.ഐ ടി.എസ് ബിനു, എസ്.ഐ മഞ്ജിത്ത്‌ലാല്‍ എന്നിവരുടെ നേതൃത്വത്തില്‍ കഴിഞ്ഞദിവസം അറസ്റ്റ് ചെയ്തത്.
12 വയസുകാരനെ പീഡിപ്പിച്ച കേസില്‍ റഷീദിനെയും എട്ടുവയസുകാരനെ പീഡിപ്പിച്ച കേസില്‍ മുഹമ്മദ് റഫീഖിനെയുമാണ് അറസ്റ്റ് ചെയ്തത്. ഓട്ടോയില്‍ കയറ്റിക്കൊണ്ടുപോയി ഒഴിഞ്ഞ സ്ഥലത്തെത്തിച്ച് പീഡിപ്പിച്ചതായാണ് പരാതി. ഇരുവര്‍ക്കുമെതിരേ പോക്‌സോ വകുപ്പ് പ്രകാരമാണ് കേസെടുത്തിരിക്കുന്നത്. ഇരുവരെയും പെരിന്തല്‍മണ്ണ കോടതി റിമാന്‍ഡ് ചെയ്തു.