ബംഗളൂരു: ഊര്‍ജ കപ്പ് അണ്ടര്‍ 19 ദേശീയ ഫുട്‌ബോള്‍ ടൂര്‍ണമെന്റില്‍ കേരളത്തിന് ഇരട്ട ഫൈനല്‍. സെമി പോരാട്ടത്തില്‍ കേരളത്തിന്റെ പെണ്‍കുട്ടികള്‍ മറുപടിയില്ലാത്ത ആറ് ഗോളുകള്‍ക്ക് ആന്ധ്ര പ്രദേശിനെ തകര്‍ത്തു. കേരളത്തിന്റെ ആണ്‍കുട്ടികള്‍ ഒന്നിനെതിരേ രണ്ട് ഗോളുകള്‍ക്ക് തമിഴ്‌നാടിനെ പരാജയപ്പെടുത്തി. പെണ്‍കുട്ടികളുടെ പോരാട്ടത്തില്‍ ഉണ്ണിമായ ഇരട്ട ഗോളുകള്‍ നേടിയപ്പോള്‍ രേഷ്മ ഇ.ആര്‍, അശ്വതി വര്‍മ, അനഘ പി, ജ്യോതിക എന്നിവര്‍ ശേഷിച്ച ഗോളുകള്‍ വലയിലാക്കി. ഉണ്ണിമായയാണ് കളിയിലെ താരമായത്.