ബംഗളൂരു: എം.എല്‍.എമാര്‍ക്കെതിരേ അപകീര്‍ത്തികരമായ ലേഖനം പ്രസിദ്ധീകരിച്ചതിന് കര്‍ണാടകയിലെ രണ്ട് മാധ്യമ പ്രവര്‍ത്തകരെ ഒരു വര്‍ഷം തടവിന് നിയമസഭാ സ്പീക്കര്‍ കെ.ബി കോളിവാദ് ശിക്ഷിച്ചു.
കര്‍ണാടകയിലെ ടാബ്ലോയ്ഡ് പത്രങ്ങളായ ഹായ് ബംഗളൂരുവിന്റെ എഡിറ്റര്‍ രവി ബാലാഗ്രെ, യലഹങ്ക വോയ്‌സ് എഡിറ്റര്‍ അനില്‍ രാജു എന്നിവരെയാണ് സ്പീക്കര്‍ ശിക്ഷിച്ചത്. ഇതിനു പുറമെ 10,000 രൂപ വീതം പിഴയൊടുക്കാനും ഇതിന് കഴിഞ്ഞിട്ടില്ലെങ്കില്‍ ആറുമാസം അധിക തടവ് അനുഭവിക്കണമെന്നും സ്പീക്കറുടെ ഉത്തരവില്‍ പറയുന്നു.  നിയമസഭാ പ്രിവിലേജ് കമ്മിറ്റിയുടെ റിപ്പോര്‍ട്ടിന്റെ പശ്ചാത്തലത്തിലാണ് നടപടി.