കണ്ണൂര്‍: പ്രഥമ സംസ്ഥാന സ്‌കൂള്‍ അമ്പെയ്ത്ത് ചാംപ്യന്‍ഷിപ്പില്‍ 55 പോയിന്റോടെ കണ്ണൂരിന് കിരീടം. വയനാട് രണ്ടാംസ്ഥാനവും ഇടുക്കി മൂന്നാംസ്ഥാനവും നേടി. ഇന്ത്യന്‍, കോംപൗണ്ട്, റിക്കര്‍വ് എന്നീ മൂന്നിനങ്ങളിലും പതിനേഴിനു താഴെ, 19നു താഴെ എന്നീ രണ്ടു വിഭാഗങ്ങളിലായി സീനിയര്‍ ആണ്‍, പെണ്‍, ജൂനിയര്‍ ആണ്‍, പെണ്‍ കുട്ടികളാണ് മത്സരത്തില്‍ പങ്കെടുത്തത്. സംസ്ഥാന സ്‌കൂള്‍ സ്‌പോര്‍ട്‌സ് ജോയിന്റ് ഡയരക്ടര്‍ ഡോ.ചാക്കോ ജോസഫ്, ആര്‍ച്ചറി അസോസിയേഷന്‍ സെക്രട്ടറി ഡോ. ജോറിസ് പൗലോസ്, ഡോ.ജോസഫ് തോമസ്, റീന സെബാസ്റ്റ്യന്‍ നേതൃത്വം നല്‍കി.