തലശ്ശേരി: റെയില്‍േവ സ്റ്റേഷനില്‍ ആര്‍.പി.എഫും എക്‌സെസ് സംഘവും സംയുക്തമായി നടത്തിയ റെയ്ഡില്‍ ഒന്നര ലക്ഷം രൂപ വിലവരുന്ന പുകയില ഉല്‍പന്നങ്ങള്‍ പിടികൂടി. എക്‌സൈസ് ഇന്‍സ്‌പെക്ടര്‍ അമല്‍രാജും സംഘവും റെയ്ഡിനു നേതൃത്വം നല്‍കി. ഉത്തര്‍പ്രദേശ് സ്വദേശികളായ പന്നലാല്‍(32), സദാനന്ദ്(36) എന്നിവരെ അറസ്റ്റു ചെയ്തു. ഗുഡ്ക, പാന്‍പരാഗ്, മധു ഉള്‍പ്പെടെയുള്ള നിരോധിത പുകയില ഉത്പന്നങ്ങളാണ് പിടിച്ചെടുത്തത്. ഇവ തലശ്ശേരിയിലും പരിസര പ്രദേശങ്ങളിലും വിതരണം ചെയ്യാന്‍ കൊണ്ടു വരികയായിരുന്നു പ്രതികളെന്ന് എക്‌സൈസ് ഉദ്യോഗസ്ഥര്‍ പറഞ്ഞു.