പമ്പ: ശബരിമലയിലേക്കുള്ള യാത്രയ്ക്കിടെ കഴിഞ്ഞദിവസം അറസ്റ്റിലായ കെ.പി ശശികലയ്ക്ക് കടുത്ത നിബന്ധനകളോടെ ശബരിമലയിലേക്കു പോകാന്‍ അനുമതി. ഇതോടെ കുടുംബാംഗങ്ങളോടൊപ്പം എരുമേലിയില്‍ നിന്ന് ശശികല കെ.എസ്.ആര്‍.ടി.സി ബസിലാണ് പുറപ്പെട്ടത്.

ആറു മണിക്കൂറിനുള്ളില്‍ തിരികെ വരണം, മാധ്യമങ്ങളില്‍ പ്രകോപനപരമായ പ്രതികരണം പാടില്ല, സന്നിധാനത്ത് നാമജപ പ്രതിഷേധം പാടില്ല തുടങ്ങിയ നിര്‍ദേശങ്ങളാണ് പൊലിസ് ശശികലയ്ക്ക് നല്‍കിയത്. ഈ നിബന്ധനകള്‍ എഴുതി ഒപ്പിട്ടു വാങ്ങിയാണ് സന്നിധാനത്തു പോകാന്‍ അനുമതി നല്‍കിയത്.